Академија SOFTWARE TESTING (Manual Tester)

ШТО Е АКАДЕМИЈАТА?

Во неформалното образование, сведоци сме на повеќе едукативни програми наменети за доквалификација и преквалификација на кадри кои сакаат да започнат кариера како софтвер тестери. Но, како и во секоја професија, така и во оваа, постои широк спектар на знаења што еден тестер може да ги практикува со цел квалитетно извршување на планираните проверки на функционалноста на едно софтверско решение. Токму тука, најчесто се запознаваме со термините за мануелно и автоматско тестирање коишто честопати се комбинираат во наставните програми за да понудат сеопфатност и запазат одреден тренд, но во пракса секој начин на тестирање содржи различни методи на работа и познавање на голем број различни технологии. 

Кој начин е најдобро да се изучи? Дали можат истите да се комбинираат во една наставна програма? Што навистина можам да научам за одреден временски период и дали е тоа доволно за да станам софтвер тестер?
Одговорите на овие прашање нѐ донесоа до креирање на внимателно одбрана програма којашто пред сѐ ќе ги опфати најнеопходните и во пракса најчесто користените начини и пристапи на тестирање.  

Мануелното тестирање подразбира мануелно извршување на тестовите, без користење на некаква алатка за нивно автоматско извршување и преку него се наоѓаат 99% од критичните грешки (багови).  Секоја нова апликација мора прво да биде мануелно тестирана пред да биде било што автоматизирано. Мануелното тестирање бара повеќе време и труд, меѓутоа е неопходно за да се одреди што од апликацијата може да се автоматизира. Автоматското тестирање подразбира извршување на тестовите користејќи различни алатки за автоматизација на истите. Главната цел на автоматското тестирање е да се намали бројот на тестови коишто би се извршувале мануелно, секако таму каде што е возможно, и со тоа да се помогне да се намали времетраењето на самиот процес на тестирање. Со други зборови автоматското тестирање го помага мануелното.

ЗА КОГО Е НАМЕНЕТА?

• лица кои сакаат да се преквалификуваат со цел да започнат кариера како софтвер-тестери;
• лица кои имаат завршено технички факултети за информатички науки и компјутерско инженерство, но повеќе сакаат да работат во делот на софтвер- тестинг;
• лица кои имаат работно искутво во ИТ–индустријата како Scrum Masters, Product Owners, System Admins и сл. и сакаат да ги надополнат своите знаења во делот на мануелното тестирање, со цел надградба или промена на работната позиција.
  

КОИ ПРЕДМЕТИ ЌЕ СЕ ИЗУЧУВААТ?

КАКО СЕ СЛЕДИ ПРОГРЕСОТ НА СТУДЕНТИТЕ?

Академијата има развиено свој унифициран систем на вреднување на секој студент чиј прогрес се вреднува во зависност од исполнетоста на проектните задачи по секој предмет, присустноста и активноста на часовите, квалитетот и проактивноста во изработка на вежбите и завршната презентација на практично изработените проекти за реални клиенти. Дополнително во секој семестар се организираат посебни часови за анализа на тековните активности. Севкупниот прогрес и напредок на секој студент се класифицира во една завршна единица (нивоа: А, Б, Ц или Д) којашто е наведена во УВЕРЕНИЕТО издадено на крајот на Академијата. 

ШТО ПО ЗАВРШУВАЊЕ НА АКАДЕМИЈАТА?

• Секој студент го поминува ПРОЦЕСОТ НА РЕГРУТАЦИЈА на кадри со HR-менаџер од ИТ-компанија;
  
• Се организира специјален НАСТАН со цел запознавање на студентите со ИТ -индустријата;
  
• Секој студент добива ДИПЛОМА и УВЕРЕНИЕ во коишто се опфатени сите предмети и финалната оцена согласно претставениот систем на вреднување;
• Секој студент ќе може да го продлабочи своето знаење на дополнителната, специјално дизајнирана програма за автоматско тестирање – SOFTWARE TESTING ACADEMY (Automation Tester).
  

КОИ СЕ МОЖНОСТИТЕ ЗА КАРИЕРА?

• MANUAL SOFTWARE TESTER
• AUTOMATON SOFTWARE TESTER